«ҰЛТТЫҚ ӨНЕР» көрмесі

«ТӨРТ ТОҚСАН ТӨРТ ӨНЕР»
3-ТОҚСАН «ҰЛТТЫҚ ӨНЕР» көрмесі
2024 жылдың 15-19 қаңтары аралығында «Ақмола облысы білім басқармасының Шортанды ауданындағы білім бөлімінің Жолымбет ауылының №1 жалпы орта мектебі» КММ-де «Ұлттық өнер» көрмесі өтуде. Оқушыларды Ұлы Жібек жолындағы бай керуеннен қазіргі Қазақстан өнерінің жауһарларына дейінгі ұрпақтардың ұлы мәдениеті туралы түсінікпен таныстыруды көздейді.
«Ұлттық өнер» көрмесінің мақсаты: балалар мен жасөспірімдердің шығармашылық әлеуетін ашу, мәдениет пен өнер арқылы әсемдік әлемімен таныстыру, ел тарихына қатыстылығы мен маңызын арттыру, отансүйгіштікке, туған жерге деген сүйіспеншілікке тәрбиелеу, мәдени мұраны сақтау, өскелең ұрпақты тәрбиелеуде ұлттық мәдени мұраның құндылық әлеуетін жүзеге асыру, оқушылардың мәдени ой-өрісін кеңейту, дәстүрлі ұлттық өнер мен халық өнерінің әртүрлі түрлеріне қызығушылықты дамыту.
«Ұлттық өнер» көрмесінің міндеттері: ұлттық өнер мен халық өнерінің озық жетістіктерімен таныстыру арқылы патриоттық сезімге, эстетикалық талғамға, Қазақстанның мәдени мұрасына құрметпен қарауға тәрбиелеу; ұлттық өнерді, халықтық қолданбалы өнерді меңгеру және дамыту мақсатында оқушыларды шығармашылық іс-әрекеттің әр түріне баулу.
«Ұлттық өнер» көрмесіне ұстаздар, оқушылар, мектеп оқушыларының ата-аналары белсене қатысып, қолөнер шеберліктерін ашып, түрлі бағыттағы шығармашылық бұйымдарын ұсынды. Шығармашылық көзқарас, ұжымдық жұмыс үшін алғысымды білдіремін және сәттілік пен жаңа жетістіктер тілеймін!
#біртутас_тәрбие #медетбековамеруерт #ақмолаоблысыбіртутас_тәрбие
#оқу_ағарту_министрлігі
#aqmoedu