«Отан алдындағы менің жауапкершілігім» тақырыбында тарихи сағаттар

Қазақстан Республикасының Республика күні мерекесін атап өту аясында Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де «Отан алдындағы менің жауапкершілігім» тақырыбында тарихи сағаттар өткізілді.

Мақсаты: білім алушылардың бойында патриоттық сана-сезімді, азаматтық жауапкершілік сезімін қалыптастыру, Қазақстан Республикасының тарихы мен мемлекеттік рәміздеріне құрметпен қарауға тәрбиелеу, туған жерге деген сүйіспеншілік пен өз еліне деген мақтаныш сезімін арттыру.

Тарихи сағаттар барысында оқушылар Қазақстан Республикасының қалыптасу тарихымен, Республика күнінің маңыздылығымен және оның ел мемлекеттілігін нығайтудағы рөлімен танысты. 1990 жылғы 25 қазанда Қазақ КСР-інің мемлекеттік егемендігі туралы Декларацияның қабылдануына ерекше назар аударылды. Бұл құжат Қазақстанның тәуелсіздікке жету жолындағы маңызды тарихи кезең болды.

Талқылау барысында оқушылар өз елінің жауапты азаматы болу дегеніміз не, әрбір адамның Отан алдындағы міндеттері қандай және жас ұрпақ Қазақстанның дамуына қалай үлес қоса алатыны туралы ой бөлісті.

Іс-шара білім алушылардың тарихи білімдерін кеңейтуге, азаматтық ұстанымдарын дамытуға және өз елінің болашағы үшін жеке жауапкершілігін сезінуге ықпал етті.

Отанға деген сүйіспеншілік тек сөзбен ғана емес, нақты істермен де көрінеді. Ол – сабақты адал оқу, айналадағы адамдарды құрметтеу, ұлттық дәстүрлерді сақтау және қоғам өміріне белсенді қатысу.

Осындай іс-шаралар өз елінің тарихын құрметтейтін, Қазақстанды мақтан тұтатын және оның болашақтағы дамуына қосатын үлесін түсінетін жауапты, бастамашыл әрі бейжай қарамайтын азаматтар ұрпағын тәрбиелеуге ықпал етеді.

#RepublicDayKazakhstan
#РеспубликаКүні
#Адал_азамат
#aqmola_metod_center
#oqu_agartu_ministrligi