«Республика және Конституция» және «Жауапты азамат – қуатты мемлекет» тақырыптарында ашық пікірталастар

Қазақстан Республикасының Республика күні мерекесіне орай әзірленген жоспарға сәйкес Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де «Республика және Конституция» және «Жауапты азамат – қуатты мемлекет» тақырыптарында ашық пікірталастар өткізілді.

Іс-шаралардың мақсаты – білім алушылардың азаматтық жауапкершілігін, патриотизмін, құқықтық мәдениетін қалыптастыру, Қазақстан Республикасының Конституциясына, мемлекеттік рәміздеріне және тәуелсіз мемлекеттің негізгі құндылықтарына құрметпен қарауға тәрбиелеу.

Пікірталастар барысында қатысушылар Қазақстан Республикасы Республика күнінің маңызын, Конституцияның қоғам мен мемлекет өміріндегі рөлін, азаматтардың құқықтары мен міндеттерін, сондай-ақ заңдарды сақтау мен өзге адамдардың құқықтарын құрметтеудің маңыздылығын талқылады. Азаматтық белсенділік, әр адамның өз іс-әрекетіне жауапкершілікпен қарауы және елдің дамуына қосатын жеке үлесі мәселелеріне ерекше назар аударылды.

Оқушылар мектеп пен қоғамдағы жауапты мінез-құлықтың үлгілерін келтіріп, Қазақстанның нағыз азаматына тән қасиеттер туралы ой бөлісті. Талқылау барысында мемлекеттің қуаты халықтың бірлігіне, заңдылықтың сақталуына, өзара құрметке, белсенді азаматтық ұстанымға және әр азаматтың өз міндеттеріне жауапкершілікпен қарауына байланысты екені атап өтілді.

Өткізілген пікірталастар білім алушылардың Қазақстан Республикасының Конституциясы мен мемлекеттілігі туралы білімдерін кеңейтуге, құқықтық мәдениетін қалыптастыруға және жауапты азаматтың күшті, тұрақты әрі өркендеген мемлекеттің маңызды тірегі екенін түсінуге ықпал етті.

#RepublicDayKazakhstan
#РеспубликаКүні
#Адал_азамат
#aqmola_metod_center
#oqu_agartu_ministrligi