«Қазақстан мемлекеттілігі мен егемендігінің қалыптасу тарихы»

«Қазақстан мемлекеттілігі мен егемендігінің қалыптасу тарихы»

Қазақстан Республикасының Республика күніне орай Ақмола облысы білім басқармасының Шортанды ауданы бойынша білім бөлімінің «Жолымбет кентінің № 1 жалпы білім беретін мектебі» КММ-де «Қазақстан мемлекеттілігі мен егемендігінің қалыптасу тарихы» тақырыбында сынып сағаттары өткізілді.

Мақсаты: білім алушылардың бойында патриоттық сезім мен азаматтық жауапкершілікті қалыптастыру, Қазақстан Республикасының тарихы мен мемлекеттік рәміздеріне құрметпен қарауға тәрбиелеу, сондай-ақ тәуелсіз мемлекеттің қалыптасуының негізгі кезеңдері туралы білімдерін кеңейту.

Сынып сағаттары барысында оқушылар Қазақстан мемлекеттілігінің қалыптасу тарихымен танысып, 1990 жылғы 25 қазанда қабылданған Қазақ КСР-інің мемлекеттік егемендігі туралы Декларацияның маңызы мен елдің дамуындағы рөлі туралы білді.

Республика күнінің тарихи маңызына, Қазақстанның негізгі жетістіктеріне, мемлекеттік рәміздеріне және тәуелсіздік құндылықтарына ерекше назар аударылды.

Талқылау барысында оқушылар «Отан», «егемендік», «азаматтық» және «патриотизм» ұғымдарының мәні, Қазақстанның болашағы және еліміздің дамуына әрбір азаматтың қосар үлесі туралы өз ойларын ортаға салды.

Өткізілген сынып сағаттары оқушылардың тарихи білімдерін кеңейтуге, патриотизмді және өз еліне деген мақтаныш сезімін тәрбиелеуге, Қазақстанның болашағы алдындағы жеке жауапкершілікті сезінуге ықпал етті. Сонымен қатар білім алушылардың белсенді азаматтық ұстанымын қалыптастырып, Қазақстан Республикасының тарихы мен мемлекеттілігіне деген құрметін нығайтты.

#RepublicDayKazakhstan
#РеспубликаКүні
#Адал_азамат
#aqmola_metod_center
#oqu_agartu_ministrligi