«Лудомания» / «Оңай ақшаның құны» тақырыбындағы профилактикалық іс-шаралар

«Лудомания» / «Оңай ақшаның құны» тақырыбындағы профилактикалық іс-шаралар

Ақмола облысы білім басқармасының Шортанды ауданы бойынша білім бөліміне қарасты «Жолымбет кентінің №1 жалпы білім беретін мектебі» КММ-де оқушылармен жүргізілетін профилактикалық жұмыс аясында «Лудомания» және «Оңай ақшаның құны» тақырыптарында іс-шаралар өткізілді.

Негізгі мақсаты: оқушылардың өз денсаулығына, эмоционалдық және қаржылық әл-ауқатына жауапкершілікпен қарауын қалыптастыру, сондай-ақ жасөспірімдердің құмар ойындарға тартылуы мен ойынға тәуелділіктің алдын алу.

Іс-шаралар барысында оқушыларға лудомания ұғымы, оның негізгі белгілері мен ықтимал салдары түсіндірілді. «Оңай ақша» табуға ұмтылудың қауіптілігіне, қаржылық шығындарға ұшырау қаупіне, тәуелділіктің қалыптасуына, жақын адамдармен қарым-қатынастың нашарлауына, оқуға деген ынтаның төмендеуіне және құмар ойындардың адамның психологиялық жағдайына кері әсеріне ерекше назар аударылды.

Жылдам әрі оңай табыс табуға уәде беретін ұсыныстар күрделі мәселелерге әкелуі мүмкін. Ал шынайы жетістікке білім, еңбек, мақсатқа ұмтылу және жауапты шешімдер қабылдау арқылы қол жеткізіледі.

Іс-шара соңында оқушыларға құмар ойындарға қатыспау, тез табыс табуға қатысты ұсыныстарға сыни көзқараспен қарау, ақшаны ұқыпты жұмсау және қиындықтар туындаған немесе ойынға тәуелділіктің белгілері байқалған жағдайда дер кезінде ересектерден көмек сұрау жөнінде ұсыныстар берілді.

Өткізілген іс-шаралар оқушылардың лудоманияның қауіптері туралы хабардарлығын арттыруға және салауатты, қауіпсіз әрі жауапты өмір салтын ұстануға деген көзқарасын қалыптастыруға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi