«Менің қауіпсіздігім – өз қолымда»

Тәрбие жұмысының бекітілген жоспарына сәйкес, оқушылардың өз қауіпсіздігі мен айналасындағылардың қауіпсіздігіне жауапкершілікпен қарауын қалыптастыруға бағытталған «Қауіпсіз қоғам» жобасы аясында Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де «Менің қауіпсіздігім – өз қолымда» тақырыбында іс-шаралар өткізілді.

Іс-шараның мақсаты – оқушылардың түрлі өмірлік жағдайларда қауіпсіз мінез-құлық дағдыларын қалыптастыру, олардың мұқияттылығын, сақтығын және қауіп туындаған жағдайда дұрыс шешім қабылдауға дайындығын дамыту.

Іс-шара барысында оқушылармен жеке және қоғамдық қауіпсіздіктің негізгі ережелері қарастырылды. Мектепте, көшеде, қоғамдық орындарда, үйде және Интернет желісінде қауіпсіздік ережелерін сақтау мәселелеріне ерекше назар аударылды.

Ықтимал қауіпті жағдайлар және олар туындаған кезде дұрыс әрекет ету жолдары талқыланды. Жол қозғалысы ережелерін сақтау, өрт қауіпсіздігі, төтенше жағдай кезіндегі іс-әрекет, бейтаныс адамдармен қауіпсіз қарым-қатынас жасау, жеке деректерді қорғау және цифрлық қауіпсіздік ережелерін сақтау мәселелері қарастырылды.

Оқушыларға «Қалай дұрыс әрекет ету керек?», «Қауіпті – қауіпсіз», «Төтенше жағдайда менің әрекетім» сияқты жағдаяттық тапсырмалар ұсынылды. Тапсырмаларды орындау барысында оқушылар түрлі жағдайларды талдауға, ықтимал қауіптерді анықтауға және қауіпсіз әрекет ету жолын таңдауға үйренді.

Қауіпсіздік тек ересектер мен арнайы қызмет мамандарының әрекетіне ғана емес, әр адамның жеке жауапкершілігіне де байланысты екеніне ерекше назар аударылды.

Іс-шара соңында белгіленген ережелерді сақтау, мұқият болу, ойланбай әрекет етпеу және қауіп төнген жағдайда дер кезінде көмекке жүгіну қажеттігі атап өтілді.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi