«Ойын жағдайларында тәсілдерді жүзеге асыру»

Көркем еңбек, музыка, алғашқы әскери дайындық (АӘД) және дене шынықтыру пәндері мұғалімдерінің онкүндігі аясында Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де түрлі іс-шаралар өткізілуде.

Бүгін дене шынықтыру пәнінен «Ойын жағдайларында тәсілдерді жүзеге асыру» тақырыбында ашық сабақ өткізілді.

Сабақтың мақсаты – меңгерілген тәсілдерді ойын жағдайларында қолдану арқылы техникалық және тактикалық дағдыларды жетілдіру.

Сабақтың міндеттері:

• ойын тәсілдерін орындау техникасын жетілдіру;

• шапшаңдықты, ептілікті және қимыл-қозғалыс үйлесімділігін дамыту;

• командада өзара әрекеттесу дағдыларын қалыптастыру;

• тәртіптілікке, жауапкершілікке және нәтижеге жетуге ұмтылуға тәрбиелеу;

• сабақ барысында қауіпсіздік ережелерін сақтауды бекіту.

Сабақ барысында оқушылар қозғалыс дағдыларын жетілдіріп, меңгерген тәсілдерін тікелей ойын жағдайларында қолдануды үйренді. Сонымен қатар шапшаңдықты, ептілікті, қимыл-қозғалыс үйлесімділігін және командада өзара әрекеттесу қабілетін дамытуға бағытталған жаттығулар орындалды.

Оқушылар таңдалған спорттық ойынға байланысты допты беру және қабылдау, алаңда қозғалу, допты алып жүру және басқа да ойын әрекеттерінің техникасын бекітті.

Ойын барысында дұрыс шешім қабылдау, өзгермелі жағдайға жылдам бейімделу, серіктестерімен тиімді әрекеттесу және жарыс ережелерін сақтау дағдыларына ерекше назар аударылды.

Ойын жаттығулары оқушыларға бұрын меңгерген тәсілдерін бекітіп қана қоймай, оларды тәжірибеде тиімді қолдануға мүмкіндік берді.

Сабақ соңында қорытынды жасалып, оқушылардың белсенділігі мен қауіпсіздік техникасы ережелерін сақтауы атап өтілді.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi

/public/files/2026/9/30/300926_181840_whatsapp-video-2026-09-29-at-133901.mp4