«Адам еңбегімен көрікті»

27 қыркүйекте Қазақстанда Еңбек күні атап өтіледі.

Тәрбие жұмысының жоспарына сәйкес, Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де Еңбек күніне орай «Адам еңбегімен көрікті» тақырыбында іс-шаралар өткізілді.

Іс-шараның мақсаты — оқушылардың еңбекке, түрлі мамандық иелеріне деген құрметін қалыптастыру, еңбекқорлық, жауапкершілік пен бастамашылдық қасиеттерін дамыту, сондай-ақ еңбектің әр адамның және қоғамның өміріндегі маңызын түсіндіру.

Іс-шара барысында оқушылармен еңбектің адам өміріндегі маңызы туралы мазмұнды әңгіме жүргізілді. Еңбектің табысты өмірдің маңызды құрамдас бөлігі екені, адамның алдына қойған мақсатына жетуіне қандай қасиеттер көмектесетіні, сондай-ақ барлық мамандық иелеріне құрметпен қараудың маңыздылығы талқыланды.

«Еңбекқорлық», «жауапкершілік», «кәсібилік», «еңбекке құрмет» ұғымдарына ерекше назар аударылды.

Оқушылар ата-аналарының мамандықтары туралы әңгімелеп, өз ойларымен бөлісті.

Талқылау барысында оқушыларға:

• «Адам еңбегімен неге көрікті?»

• «Жақсы қызметкер қандай қасиеттерге ие болуы керек?»

• «Оқушы бүгіннен бастап еңбекқорлығын қалай көрсете алады?»

деген сұрақтар ұсынылды.

Еңбек тек кәсіби қызметпен шектелмейтіні атап өтілді. Ол — сабақты жауапкершілікпен оқу, жақындарына көмектесу, мектеп пен қоршаған ортаға қамқорлық жасау, қоғамдық пайдалы жұмыстарға қатысу арқылы да көрінеді.

Өткізілген іс-шаралар оқушылардың еңбекке деген оң көзқарасын қалыптастыруға, еңбек адамдарына құрметпен қарауға, өз еңбегінің нәтижесіне жауапкершілікпен қарауға және қоғамға пайдалы болуға ұмтылысын арттыруға ықпал етті.

Еңбек — жетістікке бастар жол! Еңбекті құрметтеу — әр адамның міндеті!

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi