Оқушылардың Жолымбет кентінің учаскелік полиция инспекторымен кездесуі

«Заң және тәртіп» тәрбие жобасын іске асыру аясында Ақмола облысы білім басқармасының Шортанды ауданы бойынша білім бөліміне қарасты «Жолымбет кентінің №1 жалпы білім беретін мектебі» КММ-де Жолымбет кентінің учаскелік полиция инспекторы, полиция майоры Самбетов Ж.Д.-мен оқушылардың кездесуі өтті.

Кездесу барысында «Заң және тәртіп: әрбір жасөспірім нені білуі керек. Жауапкершілік әр әрекеттен басталады» тақырыбында профилактикалық әңгіме жүргізілді.

Мақсаты: оқушылардың құқықтық сауаттылығын арттыру, өз іс-әрекеттеріне жауапкершілікпен қарауын қалыптастыру, кәмелетке толмағандар арасындағы құқық бұзушылықтардың алдын алу және заң мен белгіленген мінез-құлық ережелерін құрметтеуге тәрбиелеу.

Әңгімелесу барысында оқушыларға «заң», «құқықтық тәртіп», «құқық бұзушылық», «жауапкершілік» ұғымдарының мағынасы түсіндірілді. Заңды сақтау әр адамның күнделікті іс-әрекетінен және саналы таңдауынан басталатынына ерекше назар аударылды.

Күнделікті өмірде жасөспірімдер тап болуы мүмкін құқық бұзушылықтың негізгі түрлері: қоғамдық тәртіпті бұзу, мүлікті бүлдіру, ұрлық, бұзақылық әрекеттер, Интернет желісінде қорлайтын ақпарат тарату, буллинг пен кибербуллингке қатысу және басқа да заңға қайшы әрекеттер талқыланды.

Сонымен қатар кәмелетке толмағандардың жауапкершілігі мен құқыққа қайшы мінез-құлықтың ықтимал салдары қарастырылды.

Оқушыларға әлеуметтік желілердегі жарияланымдарға, пікірлер мен хабарламаларға жауапкершілікпен қарау, жалған немесе қорлайтын ақпаратты таратпау, интернеттегі қудалауға қатыспау және басқа адамдардың құқықтарын бұзатын әрекеттер жасамау қажеттілігі тағы да ескертілді.

Өткізілген профилактикалық әңгіме оқушылардың құқықтық мәдениетін арттыруға, өз іс-әрекеттеріне саналы түрде қарауын қалыптастыруға және заңдар мен мінез-құлық ережелерін сақтаудың маңыздылығын түсінуге ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi