«Ойынға салауаттык өз қарас»

Ақмола облысы білім басқармасының Шортанды ауданы бойынша білім бөліміне қарасты «Жолымбет кентінің №1 жалпы білім беретін мектебі» КММ-де «Ойынға салауатты көзқарас» жобасы және білім алушылардың қауіпсіз әрі жауапты мінез-құлқын қалыптастыруға бағытталған профилактикалық жұмыс аясында «Лудомания – қауіпті тәуелділік» тақырыбында ақпараттық-ағартушылық іс-шаралар өткізілді.

Іс-шараның мақсаты – білім алушылардың ойынға тәуелділік мәселесіне саналы көзқарасын қалыптастыру, кәмелетке толмағандардың құмар ойындарға тартылуының алдын алу және жауапты мінез-құлық дағдыларын дамыту.

Іс-шара барысында білім алушыларға лудомания ұғымы, оның құмар ойындарға патологиялық тәуелділік екені түсіндірілді. Ойынға тәуелділіктің пайда болу себептеріне, негізгі белгілеріне және оның адамға, отбасына, оқуына және болашақ өміріне тигізуі мүмкін салдарына ерекше назар аударылды.

Білім алушылар құмар ойындардың неліктен үлкен қауіп төндіретінін, тәуелділіктің қалай қалыптасатынын және ұтылған ақшаны «қайтарып алуға» деген талпыныстың неліктен одан әрі үлкен шығындарға әкелуі мүмкін екенін талқылады.

Кәмелетке толмағандардың интернет, мобильді қосымшалар, әлеуметтік желілер және түрлі жарнамалық ұсыныстар арқылы құмар ойындарға тартылу мәселесі де қарастырылды. Құмар ойын табыс табудың тәсілі емес екені, ал ұтылған қаражатты қайтаруға деген ұмтылыс тәуелділіктің қалыптасуына әсер ететін факторлардың бірі болуы мүмкін екені атап өтілді.

Цифрлық қауіпсіздік мәселелеріне ерекше көңіл бөлінді. Білім алушыларға күмәнді жарнамалық сілтемелерге өтпеу, құмар ойын сайттарында тіркелмеу, бөгде адамдарға жеке мәліметтері мен банк картасының деректерін бермеу, сондай-ақ күмәнді ұсыныстар туралы дер кезінде ересектерге хабарлау ұсынылды.

Білім алушыларға өздерінде немесе құрдастарында ойынға тәуелділікке байланысты мәселе туындаған жағдайда ата-аналарына, сынып жетекшісіне, педагог-психологке, әлеуметтік педагогке немесе мектеп әкімшілігіне көмек сұрап жүгіну қажеттігі ескертілді.

Өткізілген іс-шаралар білім алушылардың ойынға тәуелділіктің қауіптері туралы хабардарлығын арттыруға және өз мінез-құлқына жауапкершілікпен қарауын қалыптастыруға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi