«Буллинг: қалай анықтауға және алдын алуға болады?» тақырыбында профилактикалық іс-шаралар

Қауіпсіз әрі қолайлы білім беру ортасын қалыптастыруға бағытталған «ДОСБОЛLIKE» бағдарламасын іске асыру аясында Ақмола облысы білім басқармасының Шортанды ауданы бойынша білім бөліміне қарасты «Жолымбет кентінің №1 жалпы білім беретін мектебі» КММ-де «Буллинг: қалай анықтауға және алдын алуға болады?» тақырыбында профилактикалық іс-шаралар өткізілді.

Іс-шаралардың мақсаты – білім алушылардың буллинг мәселесі туралы хабардарлығын арттыру, қауіпсіз әрі сыйластыққа негізделген мінез-құлық дағдыларын қалыптастыру, қорқыту мен кемсітудің белгілерін дер кезінде анықтай білу және мұндай жағдайларда дұрыс әрекет ету қабілетін дамыту.

Іс-шаралар барысында білім алушылармен буллингтің не екені, оның қандай түрлері болуы мүмкін екені және оның кәдімгі жанжалдан айырмашылығы туралы ақпараттық-түсіндіру жұмыстары жүргізілді. Физикалық, сөздік, әлеуметтік және кибербуллинг түрлеріне ерекше назар аударылды.

Білім алушыларға буллинг жағдайын анықтауға мүмкіндік беретін негізгі белгілер түсіндірілді: жүйелі түрде қорлау, кемсіту, балағаттау, қорқыту, баланы әдейі ұжымнан оқшаулау, әлеуметтік желілерде ренжітетін хабарламалар мен жарияланымдарды тарату, сондай-ақ эмоционалдық немесе физикалық зиян келтіретін басқа да әрекеттер.

Білім алушыларға буллинг жағдайы туындаған кезде мәселені жалғыз шешуге тырыспай, сынып жетекшісіне, әлеуметтік педагогке, педагог-психологке, мектеп әкімшілігіне немесе ата-анасына жүгіну қажеттігі ескертілді.

Өткізілген профилактикалық іс-шаралар білім алушылардың буллинг мәселесі туралы ақпараттану деңгейін арттыруға, өзара құрмет мәдениетін қалыптастыруға және өз әрекеттеріне жауапкершілікпен қарауға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi