ҚПҚА. Ата-аналар жиналысы: «2026–2027 оқу жылындағы оқу-тәрбие үдерісінің ерекшеліктері. Мектеп жарғысының ережелері, оқушылардың қауіпсіздігі».

ЦППР жұмысы аясында «Ақмола облысы білім басқармасының Шортанды ауданы бойынша білім бөлімі Жолымбет кентінің №1 жалпы білім беретін мектебі» КММ сынып жетекшілері «2026–2027 оқу жылындағы оқу-тәрбие үдерісінің ерекшеліктері. Мектеп жарғысының ережелері, оқушылардың қауіпсіздігі» тақырыбында ата-аналар жиналысын өткізді.

Мақсаты: ата-аналардың педагогикалық мәдениетін арттыру, отбасы мен мектептің тиімді өзара әрекеттестігін қамтамасыз ету, ата-аналарды оқу-тәрбие үдерісін ұйымдастырудың негізгі бағыттарымен, мектеп Жарғысының ережелерімен және оқушылардың қауіпсіздігін қамтамасыз ету талаптарымен таныстыру.

Жиналыс барысында сынып жетекшілері ата-аналарды жаңа оқу жылындағы білім беру үдерісін ұйымдастыру ерекшеліктерімен, мектептің жұмыс режимімен, тәрбие жұмысының негізгі бағыттарымен, оқушылардың сабаққа қатысуы мен оқу тәртібіне қойылатын талаптармен таныстырды.

Мектеп Жарғысының ережелерін сақтауға ерекше назар аударылды. Ата-аналарға оқушылардың өзін-өзі ұстау талаптары, мектеп формасы мен ұқыпты сырт келбетті сақтау, құрдастарымен және педагогтармен қарым-қатынас жасау ережелері, мектеп мүлкіне ұқыпты қарау, сондай-ақ белгіленген нормаларды сақтау жауапкершілігі түсіндірілді.

Оқушылардың қауіпсіздігі жеке мәселе ретінде қаралды. Ата-аналарға балалардың мектепке баратын және қайтатын жолдағы, көшедегі, қоғамдық орындардағы және Интернет желісіндегі қауіпсіз мінез-құлқын бақылау қажеттілігі ескертілді. Өрт қауіпсіздігі, жол жүрісі ережелері, су айдындарындағы қауіпсіз мінез-құлық, құқық бұзушылықтардың, буллинг пен кибербуллингтің алдын алу ережелері талқыланды.

Ата-аналарға балалардың оқу жестістіктері мен мінез-құлқына үнемі қызығушылық таныту, сынып жетекшілерімен және мектеп педагогтарымен тұрақты байланыста болу, күн тәртібі мен қауіпсіз мінез-құлық ережелерінің сақталуын бақылау бойынша ұсыныстар берілді.

#Адал_азамат

#Біртұтас_тәрбие

#aqmola_metod_center

#aqmolaoblysybirtutas_tarbie

#oqu_agartu_ministrligi