«Еске алу күні» – халық ерлігін ұлықтау және тарихи жадты сақтау

22 маусым күні «Солнышко» жазғы алаңында Ұлы Отан соғысының басталған күніне арналған «Еске алу күні» өтті. Іс-шараның мақсаты – балалардың бойында отансүйгіштік сезімін қалыптастыру, өз елінің қаһармандық өткен тарихына құрметпен қарауға тәрбиелеу және халықтың ерліктері туралы тарихи жадты сақтау.

Іс-шара барысында балалармен 1941 жылғы 22 маусымдағы оқиғалар, Отан қорғаушылардың ерлігі мен қайсарлығы, сондай-ақ бейбітшілікті сақтаудың маңыздылығы туралы тақырыптық әңгіме өткізілді. Балалар соғыс жылдарындағы тарихи деректермен танысып, жауынгерлер мен тыл еңбеккерлерінің ерліктері туралы білді.

«Ешкім де ұмытылмайды, ештеңе де ұмытылмайды» атты еске алу сағаттары, соғыс туралы өлеңдер оқу, тақырыптық материалдарды қарау және «Біз есте сақтаймыз» шығармашылық акциясы ұйымдастырылды.

Сонымен қатар күн тәртібіне сәйкес таңғы жаттығу, қызығушылық бойынша ойындар өткізілді. «Шеберлер қаласы» үйірмесі аясында «Естелік гүлдері», ал «Сиқырлы қылқалам» үйірмесі аясында «Балалар көзімен әлем» шығармашылық жұмыстары ұйымдастырылды.

Ұлы Отан соғысы жауынгерлеріне арналған ескерткішке гүл шоқтарын қою барысында балалар қаза тапқан жауынгерлерді бір минут үнсіздікпен еске алып, Жеңіс ұрпағына деген құрметі мен алғысын білдірді.

Барлық іс-шаралар балалардың азаматтық ұстанымын, патриоттық сезімдерін, өз елінің тарихына және Ұлы Отан соғысы батырларының ерлігіне құрметпен қарауын қалыптастыруға ықпал етті. Сонымен қатар балаларға тарихи жадты болашақ ұрпақ үшін сақтаудың маңыздылығын түсінуге мүмкіндік беріп, терең әсер қалдырды.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi