«День талантов» — праздник творчества и вдохновения

Бүгін «Солнышко» жазғы алаңында балалардың шығармашылық қабілеттерін анықтау және дамытуға, олардың бастамаларын қолдауға, өзін-өзі көрсетуіне жағдай жасауға бағытталған жарқын әрі шығармашылыққа толы «Таланттар күні» өтті.

Күн аясында «Таланттар шоқжұлдызы» байқауына дайындық жұмыстары белсенді жүргізілді. Іс-шара барысында әрбір қатысушы өз өнері мен сүйікті ісін көпшілікке таныстыруға мүмкіндік алды. Балалар ән айтып, би биледі, өлең оқыды, сахналық көріністер көрсетті, сондай-ақ өздерінің суреттерін, қолөнер бұйымдарын және басқа да шығармашылық жұмыстарын ұсынды.

Сонымен қатар «Домисолька» вокалдық үйірмесінің аясында «Лагерь дауысы» вокалдық байқауы, ал «Би уақыты» үйірмесі аясында «Биле, лагерь!» би байқауы ұйымдастырылды.

Ерекше қызығушылық таланттар концертіне арналды. Балалар достарының алдында үлкен ықыласпен өнер көрсетіп, өздерінің әртістік қабілеттерін, өзіне деген сенімділігін және шығармашылық көзқарасын танытты. Көрермендер қатысушыларды ыстық ықыласпен қолдап, көтеріңкі көңіл күй мен өзара сыйластық атмосферасын қалыптастырды.

Сондай-ақ Жолымбет кентінің кітапханасына экскурсия ұйымдастырылды.

Өткізілген іс-шаралар балалардың шығармашылық әлеуетін, қарым-қатынас дағдыларын, өз күшіне деген сенімділігін және көпшілік алдында өнер көрсету қабілеттерін дамытуға ықпал етті. Барлық қатысушылар көтеріңкі көңіл күйге бөленіп, көптеген жағымды эмоциялар мен ұмытылмас әсерлер алды.

«Таланттар күні» қызықты әрі көңілді өтіп, жазғы демалыстың ең жарқын күндерінің біріне айналды.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi