«Әуе шарлары күні – қуаныш, шығармашылық және күлкі мерекесі»

4-күн – «Күншуақ» жазғы алаңындағы «Әуе шарлары күні»

«Күншуақ» жазғы алаңының төртінші күні көңілді әрі жарқын «Әуе шарлары күні» өтті. Іс-шараның мақсаты – балаларға мерекелік көңіл күй сыйлау, олардың шығармашылық қабілеттерін дамыту және белсенді демалысын ұйымдастыру.

Күні бойы балалар әуе шарларымен өткізілген түрлі байқауларға, эстафеталарға және қызықты ойындарға белсене қатысты. Ерекше қызығушылық тудырған шаралар қатарында «Әуе шарлары шеруі» (әр топ өздерін және әуе шарларын безендірді) және «Шар-Бум» (әуе шарларымен ұйымдастырылған көңілді ойындар) болды.

Күн тәртібіне сәйкес үйірмелер де өз жұмысын жүргізді. «Шеберлер қаласы» үйірмесінде «Шардан жасалған кейіпкер» шығармашылық жұмысы ұйымдастырылып, балалар әуе шарларынан ертегі кейіпкерлерін жасады. Ал «Би уақыты» үйірмесінде «Көңілді әуе көңіл күйі» флешмобы мен «Күміс дискотека» өткізілді.

Балалар өз қиялдарын, шығармашылық қабілеттерін және тапқырлықтарын қуана көрсетті, командалық ойындар мен көңілді жарыстарға белсенді қатысты. Мерекелік көңіл күй, достық пен көтеріңкі атмосфера іс-шара барысында барлық қатысушыларды біріктірді.

«Әуе шарлары күнін» өткізу балалардың ептілігін, қимыл-қозғалыс үйлесімділігін, командада жұмыс істеу дағдыларын дамытуға және бір-біріне жағымды эмоция сыйлауға ықпал етті. Іс-шаралар қызықты әрі белсенді өтіп, балалардың жадында жарқын әсерлер мен қуанышты естеліктер қалдырды.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi