«Қауіпсіз жазғы демалыс – пайдалы әрі қауіпсіз тынығу»

Жазғы демалыс – балалар үшін тынығудың, жаңа әсерлер алудың, қызықты кездесулердің, саяхаттардың, ойындардың және денсаулықты нығайтудың тамаша кезеңі. Бұл – отбасымен және достарымен көбірек уақыт өткізуге, сүйікті ісімен айналысуға және жаңа оқу жылына күш жинауға берілген мүмкіндік.

Алайда жазғы демалыс – тек тынығу ғана емес, сонымен қатар өз қауіпсіздігіне жауапкершілікпен қарауды талап ететін кезең. Жаз қызықты, көңілді әрі қауіпсіз өтуі үшін қауіпсіздік ережелерін міндетті түрде сақтау қажет:

• жол қозғалысы ережелерін сақтау;
• су айдындарының маңында абай болып, тек рұқсат етілген орындарда және ересектердің бақылауымен шомылу;
• отпен ойнамау және өрт қауіпсіздігі ережелерін сақтау;
• бейтаныс адамдармен қарым-қатынас жасаудан сақ болып, оларға жеке мәліметтерді айтпау;
• интернетті қауіпсіз пайдалану қағидаларын сақтау;
• денсаулыққа ұқыпты қарап, күн тәртібін және жеке бас гигиенасын сақтау;
• серуендеу, саяхаттау және белсенді демалыс кезінде мұқият болу.

Жазғы демалыс кезіндегі балалардың қауіпсіздігі – ең алдымен мұқияттылық, жауапкершілік және қауіпсіз мінез-құлық ережелерін сақтауға байланысты.

Жаз мезгілі жарқын әсерлерге, қуанышқа және қауіпсіз сәттерге толы болсын!

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi