«Туған өлкенің батырлары»

Ұлы Жеңіс күніне арналған іс-шараларға дайындық және патриоттық тәрбие жоспарын іске асыру аясында Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы орта білім беретін мектебі» КММ-де «Біздің жерлестеріміз – соғысқа қатысушылар. Тарихи тұлғалар» тақырыбында тәрбиелік іс-шаралар өткізілді.

Мақсаты: жерлес соғыс ардагерлерінің өмір жолын таныстыру арқылы білім алушылардың азаматтық-патриоттық қасиеттерін қалыптастыру, аға буынның ерлігіне құрмет сезімін тәрбиелеу.

Міндеттері: білім алушылардың туған өлке тұрғындарының Жеңіске қосқан үлесі туралы білімдерін кеңейту; соғыс жылдарындағы көрнекті тарихи тұлғалармен таныстыру; зерттеушілік және таныстырылым жасау дағдыларын дамыту; туған жерге деген мақтаныш сезімін қалыптастыру.

Іс-шара барысында:

• жерлес батырлар туралы презентациялар ұсынылды;

• соғысқа қатысушылардың ерліктері туралы әңгімелер айтылды;

• Жеңіске үлес қосқан белгілі тарихи тұлғалардың өмірбаяндары таныстырылды;

• тыл еңбеккерлері туралы материалдар ұсынылды.

Қазақ халқының даңқты батырлары Бауыржан Момышұлы, Әлия Молдағұлова, Мәншүк Мәметова және басқа да тарихи тұлғалардың ерлігіне ерекше назар аударылды.

Іс-шара аясында:

• соғыс тақырыбындағы өлеңдер оқылды;

• қаза тапқан батырларды бір минут үнсіздікпен еске алу рәсімі өткізілді;

• тарихи жадыны сақтаудың маңыздылығы талқыланды.

Өткізілген іс-шаралар білім алушылардың бойында патриоттық құндылықтарды, өз елінің тарихына және туған өлкесіне деген құрмет сезімін қалыптастыруға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi