«Айналадағы адамдармен қарым-қатынастағы толеранттылық»

Экстремизм мен терроризмнің алдын алу жұмыстары аясында Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы білім беретін мектебі КММ-нің жоғары сынып жетекшілері «Айналаңдағы адамдармен қарым-қатынастағы толеранттылық» тақырыбында тәрбиелік іс-шара өткізді.

Іс-шараның мақсаты: оқушылардың толерантты санасын қалыптастыру, түрлі ұлт, мәдениет және көзқарас өкілдеріне құрметпен қарауға тәрбиелеу, сондай-ақ жасөспірімдер арасында агрессияның, экстремизм мен терроризмнің алдын алу.

Міндеттері:

• толеранттылық ұғымын және оның қазіргі қоғамдағы маңызын түсіндіру;

• сындарлы қарым-қатынас пен өзара түсіністік дағдыларын дамыту;

• айналадағы адамдарға құрметпен қарау мәдениетін қалыптастыру;

• төзімсіздік пен жанжалдық мінез-құлықтың алдын алу.

Іс-шара барысында оқушылар тақырыптық әңгімеге қатысып, толеранттылықтың мәнін, оның күнделікті өмірдегі көріністерін және төзімсіз мінез-құлықтың салдарын талқылады. Сонымен қатар адамдарға құрмет пен түсіністік таныту маңызды болатын өмірлік жағдаяттар қарастырылды.

Экстремизм мен терроризм идеяларына қарсы тұрудың тиімді жолы ретінде бейбітшілік мәдениетін, өзара сыйластық пен диалогты қалыптастыру мәселелеріне ерекше назар аударылды.

Іс-шара аясында:

• эмпатияны дамытуға арналған интерактивті жаттығулар өткізілді;

• жағдаяттарды талдау бойынша топтық жұмыстар ұйымдастырылды;

• тақырыптық бейнематериалдар көрсетіліп, талқыланды.

Өткізілген іс-шара оқушылардың толерантты мінез-құлықтың маңыздылығы туралы білімдерін кеңейтіп, бейбіт қарым-қатынас жасау дағдыларын нығайтуға және жанжалдардың алдын алуға ықпал етті.

Құрмет, төзімділік және өзара түсіністік – қауіпсіз әрі үйлесімді қоғамның негізі. Өскелең ұрпақтың бойында толеранттылықты қалыптастыру – экстремизм мен терроризмнің алдын алудағы маңызды бағыттардың бірі.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi