«Жануарларды қорғаудағы еріктілердің рөлі»

«Таза Қазақстан» акциясы және «Жақсылық істер марафоны» аясында Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы білім беретін мектебі КММ-де «Қайырымдылықтың көктемгі апталығы» өтуде.

«Ізгілік толқыны #QamqorBol» республикалық челленджі аясында сынып жетекшілері оқушылардың белсенді азаматтық ұстанымын қалыптастыруға, жануарларға ізгі қарым-қатынас жасауға және еріктілік қызметтің маңызын түсіндіруге бағытталған «Жануарларды қорғаудағы еріктілердің рөлі» атты іс-шара өткізді.

Іс-шараның мақсаты: оқушыларға жануарларды қорғау саласындағы еріктілердің қызметі туралы түсінік қалыптастыру, жауапкершілік, мейірімділік және әлеуметтік белсенділік қасиеттерін дамыту.

Міндеттері: оқушыларды зооволонтерлік ұғымымен және оның маңызымен таныстыру; жануарларды қорғау ұйымдарының қызметі туралы білімдерін кеңейту; жануарларға ізгілікпен қарауға тәрбиелеу; еріктілік қызметке қатысуға дайындықтарын қалыптастыру.

Іс-шара тақырыптық әңгіме, презентация және интерактивті тапсырмалармен толықтырылған пікірталас түрінде өтті.

Іс-шара барысында оқушылар:

• «ерікті» ұғымымен және еріктілік қызметтің негізгі бағыттарымен танысты;

• жануарларды қорғау ұйымдары мен жануарларға арналған паналардың қызметі туралы білді;

• зооволонтерліктің негізгі бағыттарын – ақпараттық-ағартушылық жұмыс пен жануарларға тікелей көмек көрсету қызметін талқылады;

• қаңғыбас жануарларға көмек көрсету, жануарларға қатыгездікпен қарау мәселелерін қарастырды;

• Қазақстан Республикасының «Жануарларға жауапкершілікпен қарау туралы» Заңымен танысты;

• еріктілердің қызметі туралы бейнематериалдарды тамашалады.

Еріктілердің жануарларды құтқару, емдеу, жаңа иелерін табуға көмектесу және үй жануарларына жауапкершілікпен қарауды қалыптастырудағы рөліне ерекше назар аударылды.

Іс-шараның тәжірибелік бөлімінде оқушылар жануарларға көмектесудің түрлі жолдарын талқылап, «Жануарларға ізгі қарым-қатынас жасау ережелерін» құрастырды.

Өткізілген іс-шаралар оқушылардың әлеуметтік жауапкершілігін, жанашырлық сезімін және азаматтық белсенділігін дамытуға ықпал етті.

#izgilik_tolqyny
#QamqorBol
#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi