«Халық бірлігі – ел күші»

Қазақстанда 1 мамыр – Қазақстан халқының бірлігі күні мемлекеттік мерекесі ретінде атап өтіледі. Бұл мереке 1996 жылы халықтар арасындағы достықты, ынтымақты және этносаралық келісімді нығайту мақсатында бекітілген. Ол елімізде тұратын 150-ден астам этнос өкілдерінің бірлігі мен татулығын бейнелейді.

Мерекенің басты мақсаты – Қазақстанда өмір сүріп жатқан барлық ұлт өкілдерінің достығын, өзара құрметі мен бірлігін дәріптеу, бейбітшілік пен келісім қағидаттарының маңыздылығын насихаттау. Бұл мереке көктемнің шат көңіл күйін, бауырластықты және мәдени әралуандықты айшықтайды. Сонымен қатар, ол көпұлтты қоғамдағы бейбітшілік пен тұрақтылықты сақтауға бағытталған мемлекеттік саясаттың маңызды бөлігі болып табылады.

Осыған орай, Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы білім беретін мектебі КММ-де бекітілген жоспарға сәйкес түрлі іс-шаралар өткізілуде.

Іс-шаралардың мақсаты – оқушылардың бойында патриоттық сезімді қалыптастыру, Қазақстан халқының мәдени әралуандығына құрметпен қарауға тәрбиелеу, сондай-ақ балалардың шығармашылық қабілеттерін дамыту.

Бастауыш сынып оқушылары мерекеге арналған суреттер салды. Жұмыстар акварель, гуашь, түрлі-түсті қарындаштар мен фломастерлер арқылы әртүрлі техникада орындалды.

Өз суреттерінде балалар достық, бейбітшілік, келісім, Қазақстан халқының бірлігі идеяларын, сондай-ақ еліміздің мемлекеттік рәміздерін, ұлттық дәстүрлерді, ұлттық ою-өрнектерді және туған өлкенің табиғатын бейнеледі. Бұл жұмыстар оқушылардың азаматтық жауапкершілігін қалыптастыруға, ұлтаралық келісімді нығайтуға және эстетикалық талғамын дамытуға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi