«Кітап және цифрлық әлем»

Бүгін «Балалар әдебиеті – рухани тәрбиенің бастауы» атты онкүндік аясында Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы білім беретін мектебі КММ кітапханасында «Кітап және цифрлық әлем» атты іс-шара өтті.

Іс-шараның мақсаты мен міндеттері:
заманауи цифрлық технологияларды пайдалану арқылы цифрлық орта жағдайында көркем әдебиет оқуға қызығушылықты қалыптастыру; оқушылардың кітапқа деген қызығушылығын интерактивті жұмыс түрлері арқылы арттыру; QR-кодтардың оқу үдерісіндегі мүмкіндіктерімен таныстыру; көркем әдебиетке деген қызығушылықты дамыту; цифрлық ресурстармен жұмыс істеу дағдыларын қалыптастыру; дәстүрлі және цифрлық оқуды ұштастыру.

Мектеп кітапханашысы QR-кодтың не екенін және оны кітапханада қалай пайдалануға болатынын таныстырды. Оқушыларға мобильді құрылғылардың көмегімен QR-кодтарды сканерлеу арқылы көркем шығармалардың мәтіндеріне қол жеткізу жолдары түсіндірілді.

Кейін оқушыларға интерактивті тапсырма ұсынылды. Кітапхананың әртүрлі жерлеріне көркем шығармалардың үзінділеріне, электронды кітаптарға және аудиоүзінділерге апаратын QR-кодтар орналастырылды. Оқушылар топтарға бөлініп, QR-кодтарды сканерлеп, олардың мазмұнымен танысты.

Іс-шара барысында оқушылар шығармалардан үзінділер оқып, кейіпкерлер мен сюжетті талқылап, өз әсерлерімен бөлісті. Әсіресе, мәтінді оқығаннан кейін бірнеше бекеттен өтіп, түрлі тапсырмаларды орындауды талап ететін «квест-оқу» форматы үлкен қызығушылық тудырды.

Іс-шара жоғары деңгейде өтті. QR-кодтарды пайдалану оқуға қызығушылықты арттырудың заманауи әрі тиімді құралы екенін көрсетті. Осындай жұмыс түрлері кітапқа деген қызығушылықты дамытып, оқу үдерісін қызықты әрі тартымды етеді.

Мұндай іс-шараларды өткізу оқушылардың оқу мәдениетін қалыптастырып, оларды қазіргі ақпараттық кеңістікке бейімдеуге ықпал етеді.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi