«Қауіпсіз терезе — балалар қауіпсіздігі»

Тәрбие жұмысы жоспарына сәйкес Ақмола облысы білім басқармасының Шортанды ауданы бойынша білім бөлімінің Жолымбет кентіндегі №1 жалпы білім беретін мектебі» КММ-де білім алушылардың қауіпсіздігін қамтамасыз ету мақсатында «Қауіпсіздік сабағы» аясында «Қауіпсіз терезелер» тақырыбында сынып сағаттары өткізілді.

Мақсаты: балалардың терезеден құлауына байланысты жазатайым оқиғалардың алдын алу, тұрмыста қауіпсіз мінез-құлық дағдыларын қалыптастыру.

Міндеттері: оқушыларды терезе маңындағы қауіпсіздік ережелерімен таныстыру; балалар жарақатының алдын алу; жеке қауіпсіздікке жауапкершілік қалыптастыру; ықтимал қауіптер мен олардың алдын алу жолдары туралы ақпарат беру.

Сынып сағаттары барысында оқушыларға терезе маңында болған кездегі негізгі қауіпсіздік ережелері түсіндірілді. Сынып жетекшілері терезеден құлауға байланысты жазатайым оқиғалардың себептері мен салдары туралы айтып, сақтық шараларын сақтаудың маңыздылығына ерекше назар аударды.

Негізгі ережелер қарастырылды:
– үлкендердің рұқсатынсыз терезені ашпау;
– терезе алдына отырмау және ойнамау;
– маса торына сүйенбеу;
– терезеден еңкеймей қарау;
– бөлмені желдету кезінде абай болу.

Көрнекілік ретінде тақырыптық бейнероликтер мен қауіпсіздік жадынамалары қолданылды.

Өткізілген сынып сағаттары жазатайым оқиғалардың алдын алуға және білім алушылардың қауіпсіздік мәселелеріне жауапкершілікпен қарауын қалыптастыруға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi