«Мектепке көрсетілген қолдау мен мейірім үшін алғыс»

«Жақсылық жасаған адам өзін бақытты сезінеді». Жақсылық – бұл асыл, шынайы, риясыз, жан дүниемен біреуге көмек көрсетуге деген ұмтылыс.

Ақмола облысы білім басқармасының Шортанды ауданы бойынша білім бөлімінің Жолымбет кентіндегі №1 жалпы білім беретін мектебі» КММ ұжымы мектеп аумағын абаттандыруға аса қажетті ағаштар мен бұталарды кесуге арналған сучкорез сыйлағаны үшін Арчаков Руслан Муратовичке шынайы алғысын білдіреді. Мұндай сыйлық мектеп үшін баға жетпес құндылық.

Мектеп директоры Мусина Гүләйім Қуанышқызы бастаған барша ұжым атынан Сізге жанашырлығыңыз, өзгеге қолдау көрсете білуіңіз, көмек беруге деген ықыласыңыз бен мейірімділігіңіз үшін зор алғысымызды білдіреміз. Сіздің қолдауыңыз біз үшін өте маңызды. Назар аударып, қамқорлық танытып, тамаша сыйлығыңызды тарту еткеніңіз үшін мың алғыс!

Сізге зор денсаулық, өмірде бақыт, шығармашылық табыс пен тың идеялар тілейміз. Жақсылық пен сарқылмас оптимизм серік болсын! Өміріңіз әрдайым жарыққа, жылулыққа және махаббатқа толы болсын!