«Атадан – өсиет, анадан – қасиет» атты тәрбиелік әңгімелер

ЦППР іс-шараларын жүзеге асыру аясында және Ақмола облысы Білім басқармасының Шортанды ауданы бойынша білім бөлімінің «Жолымбет кенті №1 жалпы білім беретін мектебі» КММ-нің тәрбие жұмысы жоспарына сәйкес, оқушылар арасында адамгершілік құндылықтарды қалыптастыруға, отбасыға деген құрметті нығайтуға және ұлттық дәстүрлерді сақтауға бағытталған «Атадан-өсиет, анадан-қасиет» атты тәрбиелік әңгімелер ұйымдастырылып өткізілді.

Мақсаты:
Оқушыларды ата-ананы құрметтеуге, отбасылық құндылықтарды бағалауға және ұлттық дәстүрлерді қастерлеуге тәрбиелеу, тұлғаның рухани-адамгершілік қасиеттерін қалыптастыру.

Міндеттері:
– отбасының адам өміріндегі рөлі туралы түсінік қалыптастыру;
– үлкендерді сыйлауға, ата-ананы құрметтеуге тәрбиелеу;
– қазақ халқының мәдени мұрасы мен дәстүрлеріне қызығушылықты дамыту;
– отбасы мен мектеп арасындағы байланысты нығайту.

Әңгіме барысында сынып жетекшілері оқушыларды отбасылық құндылықтар ұғымымен, ата-ананың тәлімі мен тәрбиесінің маңызымен таныстырды. Әсіресе әкенің өмірлік ұстанымдар мен жауапкершіліктің иесі ретіндегі рөліне, ал ананың мейірімнің, қамқорлықтың және рухани жылулықтың қайнар көзі ретіндегі орнына ерекше назар аударылды.

Сонымен қатар ұрпақтар сабақтастығы, салт-дәстүрлерді сақтау және үлкендерге құрмет көрсету мәселелері қозғалды.

Өткізілген әңгімелер оқушылардың бойында адамгершілік бағдарларды қалыптастыруға, отбасылық құндылықтар мен ұлттық дәстүрлерге деген құрметті арттыруға ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi