«Конституция – құқықтық мемлекеттің және азаматтық жауапкершіліктің негізі»

Қазақстан Республикасының жаңа Конституциясының білім беру саласындағы нормаларын іске асыру – өзекті міндеттердің бірі. Жаңа Конституция мемлекетіміздің негізгі заңы ретінде әрбір азаматтың өмірінде ерекше маңызға ие. Жаңа Конституцияға енгізілген өзгерістердің мәнін түсіндіру, оқушылардың құқықтық мәдениетін қалыптастыру және азаматтық жауапкершілігін арттыру – білім беру жүйесінің маңызды міндеттерінің қатарында.

«Адал азамат» бірыңғай тәрбие бағдарламасына сәйкес, Ақмола облысы білім басқармасының Шортанды ауданы бойынша білім бөлімінің «Жолымбет кентінің №1 жалпы білім беретін мектебі» КММ-де 11-сынып оқушыларына «Білім – мемлекеттік саясаттың басты құндылығы: жаңа Конституцияда белгіленген басымдықтар» тақырыбында сынып сағаты өткізілді.

Мақсаты: оқушыларға Қазақстан Республикасының жаңа Конституциясының мазмұнын түсіндіру, олардың құқықтық сауаттылығын арттыру және азаматтық жауапкершілікті қалыптастыру.

Міндеттері: жаңа Конституцияның негізгі қағидаларымен таныстыру; оқушылардың құқықтары мен міндеттері туралы түсінігін кеңейту; заңға бағынушылық мәдениетін қалыптастыру; «Адал азамат» құндылықтарын дамыту.

Сынып сағаты барысында: жаңа Конституцияның негізгі баптары түсіндірілді; тапсырмалар арқылы адам капиталының дамуы, білім, ғылым және инновациялар мәселелері талқыланды; оқушылармен экологиялық мәдениетті қалыптастыруға қатысты пікір алмасу жүргізілді.

Талқылауға арналған сұрақтар:

• Неліктен білім алу әр адам үшін маңызды?
• Мемлекет білім алуға қандай мүмкіндіктер береді?
• Оқушы ретіндегі сіздің міндеттеріңіз қандай?
• Неліктен Қазақстан Республикасын қорғау әр азаматтың қасиетті борышы болып саналады?
• Әскери қызмет елдің қауіпсіздігі мен тәуелсіздігін сақтауға қалай ықпал етеді?
• Отанды қорғау тек әскери қызметпен шектеле ме, әлде басқа да жолдары бар ма?
• Экологиялық мәдениет дегеніміз не?

Жаңа Конституция – әділетті қоғамды сақтайтын, азаматтардың құқықтарын қорғайтын, билікті реттейтін және тәртіп пен тұрақтылықтың кепілі болып табылатын негізгі Заң. Заңды құрметтеу – Отанды құрметтеу.

#Адал_азамат
#Біртұтас_тәрбие
#aqmola_metod_center
#ЗАҢМЕНТӘРТІПАҚМОЛА
#ЗАКОНИПОРЯДОКАКМОЛА