«Оқушылардың цифрлық қауіпсіздігі және дербес деректерді қорғау»

Оқушылардың цифрлық сауаттылығын арттыру және дербес деректерді қорғауға жауапкершілікпен қарауды қалыптастыру мақсатында Ақмола облысы білім басқармасының Шортанды ауданы бойынша білім бөліміне қарасты Жолымбет кентіндегі №1 жалпы білім беретін мектебінің информатика пәні мұғалімдері «Цифрлық әлемде қауіпсіз қадам» аясында «Менің дербес деректерім қауіпсіздікте» тақырыбында ақпараттық сағаттар өткізді.

Мақсаты: оқушылардың цифрлық ортада қауіпсіз мінез-құлық дағдыларын қалыптастыру, дербес деректерді қорғау туралы ақпараттану деңгейін арттыру және интернет-қатерлердің алдын алу.

Міндеттері: дербес деректер ұғымын және оның маңыздылығын түсіндіру; интернет желісіндегі қауіпсіз мінез-құлықтың негізгі ережелерімен таныстыру; жеке ақпаратты қорғау дағдыларын қалыптастыру; ықтимал қауіптерді (алаяқтық, кибербуллинг, деректердің таралуы) ескерту.

Іс-шара барысында оқушыларға дербес деректерге тегі, аты, тұрғылықты мекенжайы, телефон нөмірі, құпиясөздер, банк карталарының деректері және басқа да жеке ақпарат жататыны түсіндірілді.

Сондай-ақ интернет желісіндегі қауіпсіздік ережелеріне ерекше назар аударылды: бейтаныс адамдарға жеке деректерді бермеу; сенімді құпиясөздерді қолдану; күмәнді сілтемелерге өтпеу; сайттар мен әлеуметтік желілерде тіркелу кезінде сақ болу; күмәнді жағдай туындағанда ересектерден көмек сұрау.

Қорытындысында оқушылардың цифрлық қауіпсіздік туралы ақпараттану деңгейі артты, дербес деректерді қорғауға жауапкершілікпен қарау қалыптасты және цифрлық ортада қауіпсіз мінез-құлық дағдылары дамыды.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi