«“Заң және тәртіп” тұжырымдамасы аясында оқушылардың құқықтық санасын қалыптастыру»

«Заң және тәртіп» тұжырымдамасы аясында ағымдағы жылдың ақпан айында Ақмола облысы білім басқармасының Шортанды ауданы бойынша білім бөліміне қарасты Жолымбет кентіндегі №1 жалпы білім беретін мектебінде 9–11 сынып оқушылары арасында «Кітап белгісі емес» және «Бұзақы қыз» атты қысқаметражды фильмдер көрсетілді.

Қойылған мақсаттар мен міндеттер: оқушылардың құқықтық санасын қалыптастыру, есірткіге байланысты қылмыстардың, буллинг пен агрессияның салдарын түсіндіру; заң алдындағы жауапкершілікті арттыру; жасөспірімдерге жасалатын манипуляция механизмдерін көрсету; құқыққа қарсы әрекеттердің салдарын ұғындыруға ықпал ету; қауіп-қатерлі жағдайларда саналы таңдау жасау дағдыларын және жеке жауапкершілік ұстанымын қалыптастыру; агрессия, буллинг және психологиялық қысым көріністеріне саналы түрде қарауға ынталандыру; зорлық-зомбылықтың психологиялық және әлеуметтік салдарын терең түсіндіру; буллингке (қорлауға) нөлдік төзімділік мәдениетін дамыту.

Сондай-ақ аталған профилактикалық қысқаметражды фильмдер бойынша топтық талқылаулар өткізілді. Талқылау барысында келесі мәселелерге ерекше назар аударылды: жасөспірімдердің құқық бұзушылық жасау себептері; құқықтық және әлеуметтік салдарлар; «Заң және тәртіп» қағидаттарын сақтаудың маңызы; күмәнді ұсыныстардан бас тарту дағдыларын қалыптастыру.

Талқылау қорытындысы бойынша оқушылар арасында сауалнама жүргізілді. Қамтылған оқушылар саны – 44.

Маңызды ескерту: тіпті қиын жағдайдың өзінде адам әрқашан таңдау жасай алады. Әрқайсымыз жауапты қадам жасай аламыз: зорлық-зомбылықты қолдамау, дер кезінде «тоқта» деп айту, көмекке жүгіну және қиындыққа тап болған адамға қолдау көрсету.

#Адал_азамат
#Біртұтас_тәрбие
#aqmola_metod_center
#ЗАҢМЕНТӘРТІПАҚМОЛА
#ЗАКОНИПОРЯДОКАКМОЛА