«Ұлттық мәдениет: дәстүрлер мен мұра»

«Шабыт» жобасын жүзеге асыру аясында, рухани-адамгершілік құндылықтарды дамыту және мәдени мұраны насихаттау мақсатында, Ақмола облысы білім басқармасының Шортанды ауданы бойынша білім бөлімінің Жолымбет кентіндегі №1 жалпы орта білім беретін мектебінде «Ұлттық мәдениет» тақырыбында көрме ұйымдастырылды.

Мақсаты: оқушыларда қазақ халқы мен Қазақстан Республикасында тұратын басқа да халықтардың ұлттық дәстүрлеріне, мәдениетіне және тарихи мұрасына құрметпен қарау сезімін қалыптастыру.

Міндеттері: оқушылардың дәстүрлер, әдет-ғұрыптар және мәдени құндылықтар туралы білімін кеңейту; қолданбалы өнерге қызығушылықты дамыту; патриотизм және ұлттық мақтаныш сезімін тәрбиелеу; оқушылардың шығармашылық бастамаларын қолдау.

Көрмеде бірнеше тақырыптық бөлімдер қамтылды:

• Ұлттық дәстүрлер мен әдет-ғұрыптар (қазақтың халықтық дәстүрлері, салт-дәстүрлері, ұлттық тағамдары және отбасы құндылықтары туралы материалдар ұсынылды);
• Қолданбалы өнер (экспозицияда дәстүрлі өнер элементтері: ою-өрнектер, ұлттық үй-жай макеттері – киіз үй, киізден жасалған бұйымдар, ою-өрнек, тұрмыстық заттар);
• Музыкалық мұра (ұлттық музыкалық аспаптар, соның ішінде домбыра – қазақ мәдениеті мен руханиятының символы);
• Оқушылардың шығармашылық жұмыстары (суреттер, қолөнер бұйымдары және т.б.).

Сонымен қатар, заманауи қоғамдағы мәдени дәстүрлердің маңыздылығы туралы әңгімелер өткізілді.

Нәтижелері: оқушылардың ұлттық мәдениетке қызығушылығы артты; тарихи мұраға құрметпен қарау қалыптасты; оқушылардың шығармашылық қабілеттері дамыды; патриотизм және азаматтық сананы нығайтты.

«Шабыт» жобасы аясында өткізілген көрме оқушылардың рухани байып, ұлттық сананы қалыптастыруға және мәдени дәстүрлерді сақтауына ықпал етті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi