18.02.2026
13 ақпанда пәндік «Математика, физика және информатика онкүндігі» аясында Ақмола облысы білім басқармасының Шортанды ауданы бойынша білім бөлімінің Жолымбет кенті №1 жалпы білім беретін мектебі КММ-нің математика пәні мұғалімі Салтыкова С.А. 5-сыныпта «Ондық бөлшектерге амалдар қолдану» тақырыбында ашық сабақ өткізді.
Сабақтың мақсаты мен міндеттері: ондық бөлшектерге арифметикалық амалдар орындау — салыстыру, көбейту, бөлу, қосу және азайту дағдыларын қалыптастыру.
Сабақтың өткізу форматы: білімді жинақтау және жүйелеу сабағы. Сабақ барысында жұмыстың әртүрлі түрлері қолданылды: фронтальды әңгіме, жеке және топтық тапсырмалар, тақтамен жұмыс, практикалық бағыттағы есептерді шығару. Мұғалім көрнекі құралдар мен интерактивті оқыту элементтерін тиімді пайдаланып, оқушылардың оқу үдерісіне белсенді қатысуына жағдай жасады.
Сабақ жағымды әрі іскерлік атмосферада өтті, оқушылар тақырыпқа қызығушылық танытып, оқу материалын жақсы меңгергендерін және алған білімдерін тәжірибеде қолдана алатындарын көрсетті. Сабақтың қойылған мақсаттары мен міндеттері толық орындалды.
#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi


