10–11-сынып оқушыларына арналған «Ойын және эксперименттік әдістерді қолдану арқылы ҰБТ форматындағы есептерді шығару» тақырыбындағы факультативтік сабақтың ашық сабағы.

2026 жылғы 13 ақпанда математика пәні мұғалімдері Баймағамбетова Г.Я. мен Борисенко Л.В. 10–11-сынып оқушыларына арналған «Ойын және эксперименттік әдістерді қолдану арқылы ҰБТ форматындағы есептерді шығару» тақырыбында факультативтік сабақ бойынша ашық сабақ өткізді.

Сабақтың мақсаты – функционалдық сауаттылықты, логикалық ойлауды дамыту және білімді стандарттан тыс жағдайларда қолдана білу дағдыларын қалыптастыру болды. Сабақ форматы білім алушыларға есептерді жай ғана шығармай, оларды ойын жағдаяттары, театрландыру, эксперименттер және командалық жұмыс арқылы «сезініп», тәжірибе жүзінде меңгеруге мүмкіндік берді.

Сабақ барысында оқушылар:
 ҰБТ форматындағы есептерді талдады;
 көрнекі эксперименттер арқылы түрлі жағдаяттарды модельдеді;
 рөлдерді бөлісе отырып, топпен жұмыс жасады;
 өз шешімдерін дәлелдеп, қорытындыларын қорғады.

Ойын элементтерін қолдану оқушылардың қызығушылығы мен мотивациясын арттырса, эксперименттік тәсіл математикалық заңдылықтарды тереңірек түсінуге ықпал етті. Ашық сабақ ҰБТ-ға дайындықтың тек тиімді ғана емес, сонымен қатар қызықты, сын тұрғысынан ойлауды және өз күшіне деген сенімділікті дамытатын үдеріс екенін көрсетті.