05.02.2026
«Цифрлық әлемде қауіпсіз қадам» жобасы аясында Шортанды ауданы білім бөліміне қарасты Ақмола облысы, Жолымбет кентіндегі №1 жалпы білім беретін мектебінің сынып жетекшілері Дүниежүзілік қауіпсіз интернет күніне орай іс-шара өткізді. Іс-шара білім алушылардың цифрлық ортада қауіпсіз әрі жауапты мінез-құлық мәдениетін қалыптастыруға бағытталды.
Іс-шара барысында оқушылар интернет желісін қауіпсіз пайдаланудың негізгі ережелерімен танысып, цифрлық кеңістіктегі мүмкін болатын қауіптер, жеке деректерді қорғау жолдары, сондай-ақ желідегі өз әрекеттері үшін жауапкершілік туралы мағлұмат алды. Кибербуллинг, интернет-алаяқтық және желілік әдеп нормаларын сақтау мәселелеріне ерекше назар аударылды.
Іс-шаралар әңгіме түрінде интерактивті тапсырмалармен, практикалық жағдаяттарды талқылаумен және тақырыптық бейнематериалдарды көрсетумен өтті.
Өткізілген іс-шаралар білім алушылардың цифрлық сауаттылық деңгейін арттыруға және цифрлық әлемде қауіпсіз мінез-құлық дағдыларын қалыптастыруға ықпал етеді.
#Адал_азамат
#Біртұтас_тәрбие
#aqmola_metod_center
#ЗАҢМЕНТӘРТІПАҚМОЛА
#ЗАКОНИПОРЯДОКАКМОЛА