«Мектеп мұражайы – тарихи жадыны сақтау мен білім алушыларды патриоттық тәрбиелеудің құралы»

Тарихи жадыны сақтау, білім алушыларды патриотизм мен азаматтық жауапкершілікке тәрбиелеу мақсатында Ақмола облысы білім басқармасының Шортанды ауданы бойынша білім бөлімінің «Жолымбет кенті №1 жалпы білім беретін мектебі» КММ-де «Жауынгерлік және еңбек даңқы» мектеп мұражайы өз жұмысын жүргізуде. Мұражай жерлестердің әскери қимылдарға қатысуын, елді мекеннің еңбек жетістіктерін, сондай-ақ батырлардың жеке тарихы мен өткеннің маңызды оқиғаларын бейнелейді.

Мұражай жұмысының негізгі бағыттары: әскери және еңбек ерліктеріне қатысқан азаматтардың экспонаттарын, құжаттарын, фотосуреттерін, жеке заттарын жинақтау, жүйелеу және сақтау; білім алушыларға патриоттық және азаматтық құндылықтарды қалыптастыруға бағытталған экскурсиялар ұйымдастыру; әскери және еңбек тарихындағы естелік даталарға арналған тақырыптық іс-шаралар өткізу; білім алушыларды зерттеу және өлкетану қызметіне, жобалар, көрмелер мен презентациялар әзірлеуге тарту; тарихи мұраны насихаттау мақсатында ата-аналармен, ардагерлермен, қоғамдық ұйымдармен өзара байланыс орнату.

Мұражай жетекшісі мен мектеп вожатыйлары білім алушыларға арналған «Жауынгерлік және еңбек даңқы» мұражайына экскурсиялар ұйымдастырды. Экскурсия барысында білім алушылар жерлестердің әскери қимылдарға қатысуын, еңбек жетістіктерін және елді мекен тұрғындарының ел дамуына қосқан үлесін айқындайтын экспонаттармен танысты. Өткен ұрпақтардың еңбек және жауынгерлік ерліктерін көрсететін батырлардың жеке тарихтарына, мұрағаттық материалдар мен фотосуреттерге ерекше назар аударылды.

Экскурсиялар әскери және еңбек тарихындағы оқиғалар туралы әңгімелермен, ерлік пен жетістіктер туралы тарихи жадыны сақтаудың маңыздылығын талқылаумен сүйемелденді. Мұндай экскурсияларды өткізу білім алушыларда патриотизм сезімін, тарихи мұраға құрметті және еңбек пен жауынгерлік ерліктің маңызын қалыптастыруға, сондай-ақ өз елінің және өңірінің тарихын зерттеуге қызығушылығын дамытуға ықпал етеді.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi