«Кәсіптік бағдар беру жұмысы – оқушылардың саналы кәсіби таңдауына бастар жол»

КГУ «Ақмола облысы білім басқармасының Шортанды ауданы білім бөлімінің Жолымбет кентіндегі №1 жалпы білім беретін мектебінде» кәсіби бағдар беру жұмысы оқу жылы бойы жүргізіліп, әрбір оқушыға өзінің кәсіби болашағына сенімді қадам жасауға мүмкіндік береді.

«Еңбегі адал – жас өрен» жобасы аясында кәсіби бағдар беруші педагогтер «Әртүрлі, қажетті және маңызды мамандықтар туралы», «Кәсіби өсу мүмкіндіктері» тақырыптарында іс-шаралар өткізді.

Іс-шаралардың мақсаты – оқушыларды мамандықтардың кең ауқымымен таныстыру және олардың әрқайсысының қазіргі қоғамдағы маңыздылығын көрсету; кәсіби мансаптың даму кезеңдерінен, оқудан және құзыреттерді үздіксіз жетілдіруден тұратынын түсіндіру.

Әңгіме барысында білім алушылар:
– мамандықтардың жіктелуін қарастырды (адам–адам, адам–техника, адам–табиғат, адам–таңбалық жүйе, адам–көркем образ);
– өңір мен ел бойынша сұранысқа ие мамандықтар туралы білді;
– жұмысшы, инженерлік-техникалық, медициналық, педагогикалық және шығармашылық мамандықтардың ерекшеліктерін талқылады;
– жаңа және болашағы зор бағыттармен танысты (IT саласы, цифрлық сервистер, «жасыл» мамандықтар, инженерлік инновациялар);
– кәсіби траектория және мансаптық өсу ұғымдарымен танысты;
– түрлі сала мамандарының нақты мансаптық жолдарына мысалдар келтірді;
– XXI ғасырда сұранысқа ие дағдылар туралы білді (сыни ойлау, коммуникация, цифрлық сауаттылық, креативтілік).

Өткізілген іс-шаралар оқушылардың дүниетанымын кеңейтіп, қазіргі еңбек нарығы туралы түсініктерін тереңдетумен қатар, өз қызығушылықтары, қабілеттері мен армандарына үңілуге, кәсіби әлемнің алуан түрлілігіне жаңа көзқараспен қарауға мүмкіндік берді. Педагогтер табысты мансап өмір бойы білім алуға және өзін-өзі дамытуға дайын болуды талап ететінін атап өтті.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi