«Медиақауіпсіздік және сыни ойлау: жасөспірімдерді күмәнді қайырымдылық қорларынан қалай қорғауға болады»

Экстремизмнің алдын алу – бұл экстремистік қызмет әлі жүзеге аспай тұрып, оның алдын алуға бағытталған белгілі шаралар жүйесі. Профилактикалық жұмыс аясында 24.11–28.11 аралығында Ақмола облысы Шортанды ауданы білім бөліміне қарасты «Жолымбет №1 жалпы білім беретін мектеп» КММ-де «Күмәнді қайырымдылық қорлар» тақырыбында бейнеролик қарау ұйымдастырылды.

Іс-шараның мақсаты – оқушылардың медиасауматтығын арттыру, сыни ойлау дағдыларын дамыту, жалған қайырымдылықпен байланысты алаяқтық схемаларды тануға үйрету. Бейнероликті тамашалау барысында оқушылар интернет пен әлеуметтік желілерде жалған қайырымдылық қорлары жиі кездесетінін, олардың адамдардың сенімін жеке пайдасына пайдаланатынын білді. Роликте күмәнді ұйымдарды әшкерелейтін белгілер және ақпараттың шынайылығын тексерудің маңыздылығы түсіндірілді.

Талқылау барысында келесі мәселелер қозғалды:
• адал емес және жалған қайырымдылық қорларының белгілері;
• алаяқтық ақша жинаудың қауіптілігі;
• қорлар туралы ақпаратты дұрыс тексеру жолдары;
• кімге сенуге болатыны және мұқтаж адамдарға қауіпсіз көмек көрсету тәсілдері;
• интернеттегі қауіпсіздік ережелері.

Сонымен қатар әртүрлі мысалдар, өмірлік жағдайлар және күмәнді жағдайларда әрекет ету алгоритмдері келтірілді. Ерекше мән жауапкершілікті, саналықты және онлайн-контентке сыни көзқарасты қалыптастыруға берілді.

Мұндай іс-шаралар оқушылардың медиақауіпсіздік дағдыларын дамытуға, сенімді және күмәнді ақпарат көздерін ажыратуды үйренуге, сондай-ақ интернеттегі қайырымдылық акцияларына қатысуда сақ болудың қажеттілігін түсінуге ықпал етеді.