«Құрмет, бірлік және төзімділік — үйлесімді тәрбиенің негізі»

Досболlike бағдарламасы аясында Ақмола облысы білім басқармасының Шортанды ауданы білім бөліміне қарасты «Жалынбет ауылы №1 жалпы білім беретін мектебі» КММ-де тәрбие жұмыстары өткізілді.

1-сыныпта «Біз әртүрліміз, біз теңбіз» / «Әралуандық – байлық, бірлік – күш» тақырыбында іс-шара ұйымдастырылды.
Мақсаты: оқушылардың әр түрлі ұлт өкілдеріне, мәдениеттерге, көзқарастарға құрметпен қарауын қалыптастыру, толеранттылық, ізгілік және тиімді қарым-қатынас дағдыларын дамыту.
Іс-шара барысында оқушылар мәдени әралуандықтың маңызын, Қазақстан халықтарының дәстүр ерекшеліктерін, қазіргі қоғамдағы бірліктің рөлін талқылады. Танымдық бейнематериалдар көріп, интерактивті тапсырмалар мен жаттығуларға қатысты.

9-сыныптарда «Төзімділік ресурстары» / «Қоршаған орта және төзімділікті дамыту» тақырыбында іс-шара өтті.
Мақсаты: оқушылардың эмоционалдық тұрақтылық дағдыларын қалыптастыру, қиындықтарды еңсеру қабілетін дамыту, психологиялық әл-ауқатты сақтау үшін қоршаған ортаның ресурстарын тиімді пайдалану.

Оқушылар «төзімділік» ұғымымен, оның негізгі компоненттерімен – өзін-өзі бағалау, қоршаған ортаның қолдауы, мақсат қоя білу және шешім қабылдау дағдыларымен танысты.
Отбасының, достардың, педагогтардың және мектеп ұжымының қолдау көрсету көзі ретінде маңыздылығы ерекше атап өтілді; өзара құрмет, өзара көмек және бейбіт қатар өмір сүру құндылықтары айтылды.

Оқушылар пікірталастарға қатысып, мектептегі толеранттылықтың көріністеріне мысалдар келтірді, өз бақылауларымен бөлісті. Сондай-ақ өзін-өзі реттеу, позитивті ойлау және зейін қою дағдыларын дамытуға бағытталған практикалық жаттығулар орындалды.

Іс-шаралар ынтымақтастық пен ізгілік атмосферасында өтті. Бұл оқушылар арасындағы өзара түсіністі нығайтуға, қарым-қатынас мәдениетін қалыптастыруға, адамгершілік және азаматтық қасиеттерін дамытуға, эмоционалдық құзыреттілігін арттыруға, психологиялық тұрақтылығын күшейтуге және позитивті мінез-құлық стратегияларын қалыптастыруға ықпал етті.