«Шоқан Уәлиханов – қазақ халқының мақтанышы»

Шоқан Шыңғысұлы Уәлихановтың туғанына 190 жыл толуына орай, Ақмола облысы білім басқармасының Шортанды ауданы білім бөліміне қарасты «Жолымбет кентінің №1 жалпы білім беретін мектебі» КММ-нің қазақ тілі мен әдебиеті, орыс тілі мен әдебиеті пәні мұғалімдері бірқатар іс-шаралар ұйымдастырды. Іс-шаралардың мақсаты – оқушылардың Қазақстан тарихы мен мәдениетіне деген қызығушылығын арттыру, азаматтық ұстаным мен отансүйгіштік сезімдерін қалыптастыру.

Өткізілген іс-шаралар барысында оқушылар назарына келесі материалдар ұсынылды:
– «Шоқан Уәлиханов – қазақ халқының мақтанышы», «Шоқан – өз дәуірінің зерттеушісі мен ойшылы» атты таныстырылымдар (ұлы ғалымның өмірі мен қызметімен таныстыру);
– «Шоқан Уәлихановтың сапарлары мен жаңалықтары» атты электронды кітап және иллюстрациялық материалдар көрмесі;
– Шоқан Уәлихановтың өмірі мен мұрасына арналған бейнеролик көрсету.

Шоқан Шыңғысұлы Уәлихановтың еңбегін асыра бағалау мүмкін емес. Оның ғылыми мұрасы түркі халықтарын зерттеу, Орталық Азияның картасын жасау, Қашғарға жасырын экспедиция жүргізу сияқты маңызды еңбектерді қамтиды. Ол – әлемдік деңгейдегі тұңғыш қазақ зерттеушісі, этнография мен фольклористика салаларына елеулі үлес қосқан ғалым. Оның идеялары қазақ қоғамының дамуына зор ықпал етті.

Шоқанды «даланың көзі», «өркениеттер арасындағы көпір» деп атаған. Арадан екі ғасырға жуық уақыт өтсе де, оның мұрасы өзекті әрі құнды болып қала береді. Шоқан Уәлиханов – жас көшбасшының, патриоттың, ғалым мен зерттеушінің жарқын үлгісі. Ол білімге құштарлығымен, тәртібімен, кең әрі еркін ойлай білу қабілетімен ұрпаққа үлгі болып келеді.

Өткізілген іс-шаралар оқушылардың Қазақстанның ұлы тұлғалары туралы білімдерін кеңейтіп, ұлттық тарихқа деген мақтаныш сезімін оятып, ғылыми зерттеулер мен жаңалықтарға деген қызығушылықтарын арттырды.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi
#medetbekovameruert
#anar_tanirbergenova18
#saule_amanzhol
#aqmoedu
#Кurmangalieva405
#saltanattemirgali
#Bilimguni
#shortandy_audanynyn_akimdigi
#nurkenshakhmetov
#sagyndykshabarov
#akhmetova_sholpan_khasenkyzy