«Жолдағы қауіпсіздік – бәріміздің ортақ міндетіміз».

Жол қозғалысы ережелері – бұл жаяу жүргіншілер мен жүргізушілердің қауіпсіздігін қамтамасыз етуге бағытталған ережелер жиынтығы. Барлық қатысушылар жол-көлік оқиғаларының алдын алу және адам өмірін сақтау үшін оларды қатаң түрде сақтауы тиіс.
Тәрбиелік жұмыс жоспарына сәйкес, оқушыларда жолда қауіпсіз мінез-құлық дағдыларын және мәдениетін қалыптастыру, жеке және басқа қатысушылардың қауіпсіздігіне жауапкершілік сезімін тәрбиелеу, жол-көлік оқиғаларының алдын алу мақсатында, Ақмола облысы білім басқармасының Шортанды ауданы білім бөліміне қарасты «Жолымбет кентінің №1 жалпы білім беретін мектебі» КММ-де «Біздің көшелер – қауіпсіз қозғалыс» атты іс-шаралар өткізілді.

Іс-шара барысында оқушылармен келесі негізгі ережелер қайталанды және талқыланды:

• Жаяу жүргіншілердің қозғалысы: жаяу жүргіншілер тротуармен жүруі тиіс, ал егер ол болмаса – жолдың шетімен, оң жақ жағымен қозғалу керек;

• Жолды кесіп өту: жолды тек «зебра» арқылы, жерасты немесе жерүсті өткелдері арқылы және тек жасыл шам жанғанда немесе реттеушінің рұқсат белгісі бойынша өту қажет; жолға шығар алдында алдымен солға, кейін оңға қарап, қауіпсіз екеніне көз жеткізу керек;

• Көлік күтудің ережелері: автобусты немесе трамвайды тек арнайы аялдамаларда немесе тротуарда күту қажет, жолдың шетіне тым жақындауға болмайды;

• Ойындар мен жолға жүгіріп шығуға тыйым: жолда ойнауға, шанамен, самокатпен немесе конькимен сырғанауға болмайды; жақындап келе жатқан көліктің алдынан жүгіріп өтуге, жолды кесіп өткенде телефон немесе құлаққап қолдануға болмайды; сондай-ақ ағаштардың, көліктердің немесе басқа да кедергілердің арасынан жолға жүгіріп шығуға тыйым салынады.

Жол қозғалысы ережелерін сақтау – жолдағы барлық қатысушылар үшін міндетті заң болып табылады.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi
#ganibeisembayev
#medetbekovameruert
#anar_tanirbergenova18
#saule_amanzhol
#aqmoedu
#Кurmangalieva405
#saltanattemirgali
#Bilimguni