«Экосағаттар: табиғатқа жауапкершілікпен қарауға қадам»

Қоршаған ортаға қамқорлық жасау – адамзаттың табиғатпен үйлесімде өмір сүруіне және оның амандығын қамтамасыз етуіне мүмкіндік береді. Бұл тағы да адамның табиғат алдындағы жауапкершілігін, ресурстарға ұқыпты қараудың қажеттілігін және біз табиғаттың иесі емес, оның бір бөлшегі екенімізді көрсетеді.

Ақмола облысы білім басқармасының Шортанды ауданы білім бөліміне қарасты «Жолымбет ауылы №1 жалпы білім беретін мектеп» КММ-де экологиялық білім мен тәрбие беруге бағытталған «Экоcағаттар» өткізілді. Іс-шараның мақсаты – оқушылардың қоршаған орта туралы білімін қалыптастыру, табиғатқа жауапкершілікпен қарауға тәрбиелеу және экологиялық қорғау іс-шараларына қатысуға баулу.

Негізгі мақсаттары:

• экология негіздерімен, экологиялық заңдар мен заманауи мәселелермен таныстыру;

• қоршаған ортаның жағдайына жауапкершілік сезімін және табиғи ресурстарды ұқыпты пайдалануды қалыптастыру;

• тиімді табиғат пайдалану дағдыларын және пайдалы экологиялық әдеттерді дамыту;

• экологиялық мәселелерге назар аудару және табиғатты қорғауға бағытталған белсенді әрекеттерге ынталандыру;

• табиғатты қорғау бағытындағы іс-шаралар мен жобаларға қатысуға баулу.

Өткізілген іс-шаралар барысында ауа мен судың ластануы, пластикалық қалдықтар сияқты өзекті экологиялық проблемалар туралы ақпарат берілді, олардың адам мен планета денсаулығына әсері талқыланды. Сондай-ақ, экология мен тұрақты даму ұғымдары, табиғатты қорғаудың жолдары қарастырылды.
Сонымен қатар, «Қоршаған ортаны сақтау және қалпына келтіру бастамалары» атты бейнероликтер көрсетілді.

Мұндай іс-шаралар оқушылардың экологиялық мәдениетін дамытуға, адамның табиғатқа әсері туралы түсінігін кеңейтуге және тұрақты дамудың болашақ ұрпақ үшін маңызын ұғындыруға ықпал етеді. Олар ресурстарды үнемдеуге, табиғатты аялауға және планетаға қамқорлық жасауға тәрбиелейді.

#Адал_азамат
#Біртұтас_тәрбие
#aqmola_metod_center
#aqmolaoblysybirtutas_tarbie
#oqu_agartu_ministrligi
#ganibeisembayev
#medetbekovameruert
#anar_tanirbergenova18
#saule_amanzhol
#aqmoedu
#Кurmangalieva405
#saltanattemirgali
#Bilimguni